Өчигдөр Японы Ерөнхий сайд Ёшихико Нода осол гарсан “Фукушима-2” цөмийн цахилгаан станцын дөрөвдүгээр хэсэгт ирж байдалтай танилцжээ. Тэрээр ослын уршгийг арилгахаар ажиллаж байгаа хүмүүстэй уулзаж, ажлын явцтай танилцсан байна. Мөн осол гарсны дараахан, цацраг идэвхи хамгийн өндөр байх үед ажиллаж байсан хүмүүстэй уулзаж “Та нарыг хамгийн аймшигтай, хүнд үед тулаанд орсонд тань Япон улсын иргэний хувьд талархаж байна” гэж хэлжээ. 2011 оны гуравдугаар сард болсон аймшигт газар хөдлөлтөөс үүссэн цунами 20 мянга гаруй хүний аминд хүрч, цөмийн цахилгаан станцад осол гаргасан юм.