Ливийн Үндэсний ерөнхий Конгресс тус улсын Ерөнхий сайд Мустаф абу-Шагурыг огцруулсан байна. Ерөнхий сайд өнгөрсөн долоо хоногт Засгийн газрын танхимаа бүрдүүлэх гэж хоёр ч удаа оролдоод бүтэлгүй болсны улмаас парламент түүнийг ийнхүү огцруулахад хүрсэн байна. Ерөнхий сайдыг огцруулах тухай парламентын 200 гишүүний 125 нь санал өгчээ. Одоо парламент ойрын өдрүүдэд шинэ Ерөнхий сайдыг томилох юм. Есдүгээр сарын 12-нд Ерөнхий сайдаар томилогдсон  Мустаф абу-Шагур ийнхүү нэг сар ч бололгүй албан тушаалаа өгч байна.  Тэрээр наймдугаар сард болсон парламентын сонгуулийн дараах анхны Ерөнхий сайд байсан юм.