Өнгөрсөн шөнө Эрхүүгийн нисэх буудалд буух гэж байсан онгоцны экипажийн нисгэгчдийн нүдийг сохлох зорилгоор лазериийн туяа тусгасан этгээдийг тус хотын тээврийн цагдаагийнхан эрэн сурвалжилж байна. Хабаровскоос ирж байсан 33 зорчигчтой онгоц буух гэж байтал  гэнэт өөдөөс нь нарийхан хурц гэрэл тусгажээ. Гэхдээ онгоц аюулгүй газардаж хэн ч гэмтэж бэртээгүй байна. “Энэ дагуу эрүүгийн хэрэг үүсгэн шалгаж байна. Магадгүй танхайчуудын хийсэн ажил байх” гэж цагдаагийн ажилтан хэлсэн байна.