Сирийн Алеппод болсон дэлбэрэлтийн хариуцлагыг “Фронт Аль-Нусра” зэвсэгт бүлэглэл өөртөө хүлээлээ. Тэд офицеруудын ордон, хотын даргын албан байр, хоёр зочид буудлыг дэлбэлэх гэсэн юм гэдгээ албан ёсоор мэдэгджээ. Сирийн төрийн телевизийн мэдээлснээр энэ дэлбэрэлтийн улмаас 31 хүн амь үрэгдсэн юм. Лондонд төвтэй Сирийн хүний эрхийн байгууллага энэ тоог 40 гаруй, ихэнх нь цэргийн албан хаагчид байсан  гэж мэдээлж байна.
ХҮний эрхийг хамгаалагчид өчигдөр Идлиб хотод бас босогчид цэргийн шалган нэвтрүүлэх рүү довтолж засгийн газрын 15 цэргийн албан хаагчийг алсан гэж мэдээллээ. Дераа, Хомс, Хама хотуудад ч бас хоёр талын мөргөлдөөний улмаас хэдэн арван хүн алагдаж шархадсан байна.