Гүржийн дарламентын сонгуульд ялаад байгаа сөрөг хүчний “Гүржийн мөрөөдөл” эвслийн тэргүүн тэрбумтан Бидзан Иванишвили тус улсын ерөнхийлөгч Михаил Саакашвилитай хэлэлцээр хийх ажлын хэсэг томилжээ. Тэр бас анхны гадаад айлчлалаа АНУ-д хийнэ гэсэн байна.
Тэрээр “Гүржийн өнөөдөр мөрдөж байгаа Үндсэн хуулиар бол парламетын олонхи ерөнхийлөгчтэй холбоотой байхаас аргагүй. Олон асуудлыг шийдэх хэрэгтэй байгаа учраас бид эвслийн өмнөөс Ерөнхийлөгч, засгийн газартай хэлэлцээр хийх ажлын хэсэг байгуулж байгаа юм” гэж хэлсэн байна. Харин гадаад айлчлалынхаа тухайд европын орнуудаас урилга ирвэл айлчилна гээд, одоохондоо бид Оросоос баярын цахилгаан ч аваагүй, холбоо тогтоогоогүй байна гэжээ. Харин америкийн тухайд “Ийм болохоор би эхлээд бидний хамгийн гол түнш, найз АНУ-д эхлээд очно” гэсэн байна.