Хоёр герман нэгдсэний Германы нэгдлийн өдрийг өнөөдөр тэмдэглэж байна.  22 жилийн өмнө яг энэ өдөр хуучны Бүгд найрамдах ардчилсан Герман улс, Холбооны бүгд найрамдах герман улс нэгдэж нэгдсэн нэг улс болсон юм. 1990 оны 10 сарын 3-нд өнөөгийн  германы бундестагийн байшин Рейхстаг дээр нэгдсэн нэг улс Холбооны бүгд найрамдах герман улсын далбааг мандуулснаас энэ өдрийг Үндэсний баярын өдөр болгон тэмдэглэж ирсэн юм.
Өнөөдрийн баярын гол үйл явдал Бавари мужийн нийслэл Мюнхенд болж энд Ерөнхийлөгч Йоахим Гаук, канцлер Ангела Меркель гээд германы улс төрийн гол гол удирдлага хүрэлцэн очжээ. Нийслэлд бол уламжлал ёсоор Бранденбургийн хаалганы орчимд өргөн олны зугаалга болж байна.