“Фүкүшима-1” цахилгаан станцад осол гарснаас хойш Япон улс анх удаа шинэ АЦС барих шийдвэр гаргалаа. Эрчим хүчний оператор “Жей-пауэр” японы Аомори аймагт “Ома” цахилгаан станцын барилгын ажлаа сэргээх боллоо гэж тус компаний төлөөлөгч мэдэгджээ. “Осол гарсны дараа барилгын ажлыг албан ёсоор зогсоосноор бид материал захиалах, гэрээ хийхээ больсон. Одо энэ бүхнээ сэргээх боллоо” гэж тэр хэлжээ. Гэхдээ тэрээр атомын цахилгаан станцын барилын ажил яг хэзээ эхлэхийг тодорхой хэлсэнгүй.
Юутай ч барилгын ажлаа үргэлжлүүлэх зөвшөөрлийг орон нутгийн эрх баригчид өгсөн юм байна. Харин Японы Эдйин засаг, худалдаа үйлдвэрлэлийн сайд Юкио Эдано болохоор станц одоохондоо ажлаа эхлээгүй, засгийн газрын комисс шалгаагүй байгаа гэсэн байна.
2008 онд эхэлсэн атомын “Ома” цахилгаан станцын барилгын ажлыг  2014 оны арваннэгдүгээр сард дуусахаар төлөвлөсөн юм байна. Нийт ажлынх нь 40 хувь хийгээд байсан энэ ажлыг “Фүкүшима-1" станцад осоло гарсны дараа бүрэн зогсоосон юм.