Японы ерөнхий сайд Ёсихико Нода засгийн газрын шинэ бүрэлдэхүүнээ зарлалаа. Өнөөдөр өглөө тэрээр засгийн газрынхаа 18 гишүүний 10-ыг нь огцруулсан юм. Нийт үндэстний яамыг Синзи Тарутоко тэргүүлэх болж байна. Өмнөх ерөнхий сайд Наото Канын үед гадаад хэргийн сайд байсан Сейзи Маэхара засгийн газарт эргэн ирж сансрын салбар, эрчим хүчний бодлого зэргийг хамаардаг Төрийн хэтийн бодлогын яамыг толгойлох нь. Боловсрол, шинжлэх ухааны яамыг Макико Танака удирдах бол Сангийн сайдаар Корико Зёзима, Санхүүгийн бодлогын сайдаар Икко Накацука томилогджээ. Байгаль орчны сайдад Хирюки Нагахама, Эрүүл мэнд, хөдөлмөр нийгмийн хамгааллын сайдад Вакио Мицуи тохоогдсон байна. Хуульзүйн яамыг Кейсю Танака, Улсыг аюулаас хамгаалах хороог Тадаира Тадамаса толгойлох болж байна. Харин Шуудангийн шинэтгэлийн яамыг Микио Симози тэргүүлэхээр болжээ.
Өнөөдөр орой засгийн газрын шинэ гишүүдийг эзэн хаан Акихито батламжилна.