Венесуэлийн ойролцоо карибын тэнгис дэх арлын Кюрасао улсад төрийн эргэлт гарсан байна. Төрийн эргэлтийг удирдсан Стэнли Бетрайн төрийн ордныг эзлэн засгийн газрын танхимаа бүрдүүлэн тангараг өргүүлжээ. Хуучин ерөнхий сайд байсан Геррит Шоттыг  гэрийн хорионд оруулсэн гэнэ. Тэр төрийн эргэлт хийсэн хүмүүсийн ард Нидерландчууд байгаа гээд, Карибын тэнгисийн орнууд болон дэлхий дахинд нөхцөл байдлын талаар хандаад байгаа юм байна.
Кюрасао арал өмнө нь Нидерландын антилийн арлуудад хамаарч байгаад 2010 онд өөрийн удирдлагын статустай болж Нидерландын хатан хаант улсын бүрэлдэхүүнд автономит эрхтэй орсон юм байна. Голландын Засгийн газар тус арлын гадаад бодлого, батлан хамгаалах асуудлыг хариуцдаг аж. Нийтдээ 140 орчим мянган хүнтэй энэ арал улсын гол орлого нь нефть бүтээгдэхүүний экспорт, аялал жуулчлал юм байна.
Сүүлийн хоёр жилд Мали, Египет, Тунис, Мальдив гэсэн дөрвөн ч оронд төрийн эргэлт гараад байгаа юм.