Венесуэлийн ерөнхийлөгч Уго Чавес “хэрэв би америкийн иргэн байсан бол Барак Обамагийн төлөө саналаа өгөх байсан” гэж мэдэгдсэн байна. Чавесынхаар бол Барак Обама ч бас венесуэлийн сонгуульд оролцвол түүний төлөө саналаа өгөх гэнэ.  “Обама саяхан Венесуэл хэзээ ч АНУ-д заналхийлээгүй гэж туйлын үнэн үг хэлсэн. Тэр бидний найз, тун дажгүй залуу” гэж Уго Чавес хэлжээ.
АНУ, Венесуэл хоёр улс өнөөгийн  ерөнхийлөгчөө дахин сонговол хоёр улсын харилцаанд цоо шинэ эрин үе эхэлнэ гэж Чавес бас тэмдэглэсэн байна. Венесуэлийн ерөнхийлөгчийн сонгууль энэ аравдугаар сарын 7-нд болох бол АНУ-ын ерөнхийлөгчийн сонгууль арваннэгдүгээр сарын 6-нд болно.  
Хэдийгээр Уго Чавес ингэж халуун дотно үг хэлж байгаа ч АНУ, Венесуэлийн харилцаа нэг их таатай биш байж 2010 оноос хоёр улсын нийслэлд аль алийнх нь Элчин сайд үндсэндээ ажиллахгүй байгаа юм. Уго Чавес 1999 онд Венесуэлийн ерөнхийлөгч болсон бол Барак Обама 2008 оноос АНУ-ын ерөнхийлөгчөөр ажиллаж байгаа юм.