Швейцарийн 22 настай залуу  Карл Шмидт дэлхийг тойрсон хамгийн залуу  нисгэгч болж дэлхийн дээд амжилт тогтоолоо. Тэр долдугаар сарын 11-нд ганц моторт Cessna 210 онгоцоор  дэлхийг тойрохоор гарч 40 мянган км зам туулан дэлхийн 21 оронд бууж, агаарт нийтдээ 110 цаг ниссэн байна. Хамгийн сүүлд тэрээр германы Гамбург хотоос нисч өчигдөр төрөлх Дюбендорф хотдоо өчигдөр  газарджээ. Түүнийг хотын нь хоёр мянга гаруй иргэн газарт хүлээж байсан бол швейцарийн цэргийн нисэх хүчний нисэх онгоцууд агаарт угтаж авчээ. Тэрээр аяллынхаа тухай ном бичнэ гээд цаашдаа нисэхийн зохион бүтээгч инженерээр юм уу, туршин нисэгчээр ажиллана гэсэн байна.
Үүний өмнө америкийн Баррингтон Ирвинг дэлхийг тойрохдоо 23 нас 96 хоногтой байсан болохоор Карл Шмидт дэлхийг агаараар тойрсон хамгийн залуу хүн болж энэ амжилтаа бүртгүүлэхээр Гиннесийн дээд амжилтын номд орох юм байна.