Лалын шашны зөнч Мухаммедыг гутаан доромжилсон “Гэм зэмгүй мусульманчууд” богино хэмжээний кино хийж интернетэд байрлуулсан америкийн продюсер Накула Бассели Накула өчигдөр Лос-Анжелос хотоос баривчилсан байна. Түүнийг хянан харгалзах хугацааны нөхцөл зөрчсөн гэж баривчилжээ. Тэр 2010 онд банкны зээлийн карт хуурамчаар ашигласан гэж үзэж таван жилийн хугацаанд интернет ашиглахыг нь хориглосон юм байна. Лос-Анжелосын шүүх түүнийг “тусгай зөвшөөрөлгүйгээр интернетийн сүлжээнд орох”-ыг хориглосон аж.
Түүний зөнч Мухаммедыг гутаан доромжилсон “Гэм зэмгүй мумульманчууд” киноноос болж лалын шашинт Египет, Йемен, Ливан, Ливия, Судан, Тунис зэрэг улсад америкийг эсэргүүцэх хөдөлгөөн өрнөж олон оронд АНУ-ын ЭСЯ-ны дэргэд жагсаал цуглаан болж олон хүн нэрвэгдсэний дотор Ливийн Бенгази хотноо консулын газар луу жагсагчид дайрснаас Элчин сайд Кристофер Стивенс болон гурван ажилтан амь үрэгдээд байгаа юм.