Хиагтын ойролцоо байдаг Бурдуны буудлагын талбай дээр Орос Монголын хамтарсан  “Сэлэнгэ-2012” хээрийн сургууль эхлээд долоо дахь өдрөө болж байна. 2008 оноос эхлэн жил болгон явж байгаа хамтарсан “Сэлэнгэ” хээрийн сургуулийн энэ жилийн сэдэв нь хүн ам цөөтэй, ой мод ихтэй уулын бүс нутагт алан хядагчдын эсрэг ажиллагаа явуулах, бүс нутаг дахь хямралт нөхцөл байдлыг шийдэх хамтарсан арга хэмжээ авах. Хээрийн сургуульд Оросын талаас Дорнод цэргийн тойргийн 300, манай талаас 250 цэргийн албан хаагч оролцож байна. Манай тал өөрийн зэвсэг, техникийг авчирч оролцож байна. Хээрийн сургуульд 016-р мото буудлагын ангийн танкийн нэг рот оролцож байгаа аж. Энэ рот 2012 онд манай талд шилжүүлэн өгсөн Т-72А танкаар зэвсэглэсэн. Сүүлийн жилүүдэд хоёр улсын цэрэг зэвсэгийн харилцаа сэргэж буй. Зөвхөн энэ онд гэхэд сайжруулсан Т-72А танк тавийг, хуягт тээвэрлэгч, “Урал” машин зэргийг оросууд манайд бэлэглэжээ.
Өнгөрсөн жил манай улсыг Оросоос дөрвөөс таван ширхэг МиГ-29 сөнөөгч, нисгэгчдийг бэлдэх автомат төхөөрөмж худалдан авах гэж байгаа талаар яригдаж байсан билээ.