Дэлхийн дээвэр Гималайн уулын Балба талын хэсэгт цасан нуранги бууснаас есөн уулчин амь алдаж зургаан ч хүн сураггүй болсон аймшигт осол боллоо. Цасан нуранги Манаслу ууланд 7000 метрийн өндөрт байх баазад байсан уулчид оргил руу авирахаар өглөөний бэлтгэлээ хийж  байх үед нь болжээ. Нас барагсад франц, герман, испани, итали, канадын уулчид байсан бол балбын газарч бас амь алджээ. Амь үргэдэгсдийн цогцосыг одоохондоо уулнаас буулгаж ирээгүй байгаа юм байна. Бас арван хүн бэртэж гэмтсэнийг орон нутгийн эмнэлэгт хүргэсэн байна. Ууланд цаг агаар тун таагүй байгаагаас сураггүй бологсдыг эрж хайх ажлыг ням гарагт зогсоогоод өнөөдөр дахин үргэлжлүүлсэн байна.

Манаслу нь Гимлайн уулын хамгийн аюултай оргилын нэг. Энэ ууланд 1972 онд мөн л цасан нуранги бууснаас 15 хүн амь үрэгдэж байсан юм.