Хятадын Шэньси мужийн Онцгой байдлын удирдах газрын тэргүүн Ян Дацай автын томоохон осол болсон газарт очоод инээмсэглэж байсан нь гэрэл зураг дээр бууснаас болоод олон нийтийн анхааралд өртөж албан тушаалаасаа буухад хүрсэн байна. Хүмүүс түүнд “инээмсэглэгч дарга” гэсэн хоч өгчээ. Үүнээс гадна хүмүүсийн анхааралд түүний хэвлэлд өгсөн цагны цуглуулгын тухай яриа  өртсөн байна. Түшмэл 400 мянган юань буюу 63,5 мянган долларын үнэ бүхий цуглуулгатай юмсанж. Энэ бүхнийг орон нутгийн намын байгууллага анхаралдаа авч шалгаж үзсэний эцэст түүнийг өндөр албан тушаалаас нь халжээ.