Францын долоо хоног тутмын Charlie Hebdo шог сонин лхагва гарагт худалдаанд гарсан дугаартаа зөнч Мухаммедын шог зургийг нийтэлсэн байна. Сонины нэгдүгээр нүүүрэн дээр мусульманыг хөгжлийн бэрхшээлтэй хүний тэргэнцэр дээр сууж, иудын шашинтнаар түрүүлэн явж байгаагаар дүрслээд  “хамааралгүй 2” гэж нэрлэжээ. Энэ нь францад өнөөдөр “хамааралгүй” гэдэг кино ихэд нэрд гарч байгаагаар шоглосон хэрэг гэнэ. Зарим шог зурган дээр Мухаммедыг бүр нүцгэнээр зуржээ. “Манай уншигчид Мухаммедыг тэргэнцэр дээр байхыг бүр 20 жилийн өмнөөс мэдэх алдартай шог зураг. Дараа нь энэ зургийг алан хядагчид ашиглаж эхэлсэн. Үүнийг хориглох юм бол дараа нь хүмүүсийг, амьтныг зурахыг хориглож нэг л мэдэхэд бид сониныхоо 16 нүүрийг хоосон гаргах болно шүү дээ” гэж хэвлэлийн ерөнхий редактор Стефан Шарбонье хэлсэн байна. Тэр бас “Энэ зураг хэвлэл сонин уншихыг хүсдэггүй хүний л дургүйг хүргэнэ дээ” гэжээ.
Харин Францын ерөнхий сайд Жан Марк Эйро энэ нь араасаа ямар муу үр дагавар дагуулж мэдэх юм гээд сониныг хэвлэлд бэлтгэсэн бүх хүмүүс хариуцлага хүлээнэ гэсэн байна.