ОХУ, Умард солонгосын хооронд өр тэглэх хэлэлцээр дөрвөн жил үргэлжилсний эцэст БНАСАУ-ын орост төлөх ёстой байсан 11 тэрбум ам.долларын өрийг чөлөөлөх тохиролцоонд хүрлээ. Үүний өмнө рублийн ханшаас үүдээд умардын төлөх өрийг долларт шилжүүлэн тооцож 90 хувийг нь хөнгөллөө гэж мэдэгдэж байсан юм. БНАСАУ-аас хуучин ЗХУ-д төлөх ёстой байсан өрийг Орос өвлөж үлдсэн юм. Зөвлөлтийн удирдагчид БНАСАУ-д өнгөрсөн зууны дунд үеэс эхлэн зээл тусламж үзүүлж иржээ. Улсын зээлээс гадна ЗХУ, умардынханд цахилгаан эрчим хүч, хүнд аж үйлдвэрийн болон хүнсний бүтээгдэхүүн хөнгөлөлттэй үнээр өгч, 70 том үйлдвэр барьж байгуулж өгсөн юм.
Үүний зэрэгцээ 1990-2000 онд БНАСАУ эдинй засгийн хямралд орж өрөө төлж чадахгүйд хүрч байлаа.
Сүүлийн жилүүдэд ОХУ гадаад орнуудын олон тэрбум ам.долларын өрийг чөлөөлөөд байгаа юм. 2010 онд Афганистаны 12 тэрбум ам.долларын өрийг чөлөөлсөн юм. Одоо ОХУ-д хамгийн их өртэй улс Куба л үлдэж байна.
