Афганистаны нийслэл Кабул хотын нисэх буудлын дэргэд амиа золиослогч эмэгтэй микроавтобус дэлбэлсний улмаас 10 хүн нас барсан байна. Энэ халдлагын хариуцлагыг Хезб-е-Ислам байгууллага хүлээж, “Гэм зэмгүй мусульман” гэдэг кинонд зөнч Мухаммедыг гутаасны төлөө ингэсэн гэсэн байна. Өглөө эрт дэлбэлэх бодис бүхий хантааз өмссөн эмэгтэй найман зурвас бүхий авто зам дээр гарч ирээд бөмбөгөө дэлбэлжээ. Нас барагсдын дунд нисэх буудалд гэрээгэр ажиллаж байсан орос, өмнөд африкийн найман   иргэн байжээ. Зарим эх сурвалж гадаадын есөн иргэн байсан гэж байна.