Зөнч Мухаммедийг гутаасан “Сатанины шүлгүүд” ном бичсэн Британийн зохиолч Салман Рушдигийн толгойг үнэлсэн үнэлэмжээ Ираны “Зургадугаар сарын 15-ны сан” гэдэг байгууллага  500 мянган доллараар нэмж 3.3 сая ам.доллар болголоо гэж Ираны хэвлэлүүд мэдээлсэн байна. 1988 онд зохиолч Рушдигийн “Сатанины шүлгүүд” ном хэвлэгдэн гарсан нь лалын ертөнцөд дуулиан тарьсан юм Хэргийн гол нь романы нэг хэсэгт зөнч Мухаммедыг тааламжгүйгээр дүрсэлсэн учраас  Ираны шашны тэргүүн Аятолла Хомейни зохиолчид эчнээгээр алах ял оногдуулж, бүх дэлхийн лалын шашинтнуудад зохиолчийг хаа таарсан газарт нь цаазын ял гүйцэтгэхийг уриалжээ. Үүнээс үүдээд зохиолч олон жилийн турш нуугдан амьдарч байгаа юм.
Саяхан бас АНУ-д бүтээсэн “Гэм зэмгүй мусульманчууд” кино гарч лалын ертөнцийг бужигнуулж байгаатай холбоотойгоор Рушдигийн толгойг үнэлсэн хэмжээгээ ийн өсгөсөн байх гэж ажиглагчид үзэж байна.