Бенгази хотод АНУ-ын ЭСЯ-нд халдсан хэрэгт сэжиглэж 50 хүнийг баривчиллаа гэж Ливийн Бүх нийтийн Үндэсний конгрессын тэргүүн Мухаммед аль-Макриф мэдэгдсэн байна. Түүний мэдээлснээр бол баривчлагдсан хүмүүсийн дунд гадаадын иргэд ч байгаа юм байна. Есдүгээр сарын 11-нд үл мэдэгдэх хүмүүс Бенгази хот дахь АНУ-ын консулын газар луу гранат шидэгчээр буудаж түймэр тавьсны улмаас АНУ-ын элчин сайд Крис Стивенс, ЭСЯ-ны хэвлэлийн ажилтан, хоёр хамгаалагч амь үрэгдсэн юм.
АНУ-д бүтээж, зөнч Мухаммедыг гутаасан “Гэм зэмгүй мусальман” кино интернетэд тавигдсан нь лалын шашинтнуудын дургуйцлийг төрүүлж, америкиыг эсэргүүцсэн жагсаал цуглаан лалын шашинт Ливи, Египет, Судан, Иран, Йемен, Катар, Энэтхэг зэрэг улсад болж байгаа юм.