Америкийн Флорида мужид АНУ-ын Ерөнхийлөгч Барак Обамагийн цувааны хамгаалагч мотоциклч авто машинтай мөргөлдсөний улмаас амь алдсан байна. Цагаан ордны албан ёсны төлөөлөгч Жей Карни “цувааны өмнө явсан мотоциклч Ford F-150 машинтай мөргөлдөж амиа алдсан, өөр бусад машин өртөөгүй” гэжээ. Ослын талаар өөр тодорхой мэдээлэл тараагүй байна. Мотоциклчийг эмнэлэгт хүргэсэн ч амийг нь аварч чадаагүй гэжээ. Ирэх намар болох Ерөнхийлөгчийн сонгуулийг угтан Барак Обама сонгогчидтойгоо уулзан эх орноо тойрч яваа юм. Түүний зорчиж яваа газарт авто машины замын хөдөлгөөнийг хаахгүй байгаа аж.