Армяны парламент 2004 онд Будапештэд армян офицерийн амийг хөнөөсөн офицер Рамиль Сафаровыг эх оронд нь шилжүүлэн өгснийх нь төлөө албан ёсны харилцаагаа таслах талаар санал хураасан байна. Хуралдаанд оролцсон депутатуудын 96 нь энэ шийдвэрийг дэмжсэн бол ганц гишүүн татгалзжээ. Армяны парламентын шийдвэрт “Офицерийг өршөөсөн Азербайжаны Ерөнхийлөгчийн зарлиг нь Страсбургийн 1983 оны хүмүүнлэгийн конвенц, хүний эрхийн нийтлэг зарчмыг зөрчиж байна. Унгарын засаг захиргаа хэрэгтнийг эх оронд нь шилжүүлэн өгснийхөө төлөө бас хариуцлага хүлээх ёстой учраас Армяны тал парламентын түвшинд Унгар улсаас албан ёсны харилцаагаа зогсоож байна” гэжээ.