“AntiSec” хэмээх хакер бүлэглэл “Apple” компанийн 12 сая гаруй UDID танигч кодыг Холбооны мөрдөх товчооноос хулгайлж авснаа мэдэгдлээ. UDID гэдэг нь “Apple”-ийн бүтээгдэхүүн бүрт байдаг 40 тэмдэгт бүхий дахин давтагдашгүй таних код юм. Холбооны мөрдөх товчооны мэдээллийн санд “Apple”-ийн 12 сая хэрэглэгчийн ийм код хадгалагдаж байдаг бөгөөд түүнээс нь хакерууд хуулж авчээ. Тэд Холбооны мөрдөх товчооны агент Кристофер Стэнглийн зөөврийн компьютерээс кодуудыг авсан гэнэ.
Гэвч Холбооны мөрдөх товчоо хакерын бүлэглэлийн дээрх мэдэгдлийг үгүйсгэж байна. Харин “AntiSec”-ийн зүгээс хакер хийснээ баталгаажуулж нэг сая гаруй UDID кодод агуулагдаж буй хэрэглэгчийн нэр, утасны дугаар, гэрийн хаяг зэргийг интернэтэд дэлгэсэн байна.
Холбооны мөрдөх товчоо "Apple"-ийн кодыг зарим хүнийг мөрдөж мөшгөхөд ашигладаг аж.