Мексикт хар тамхины наймааны бүлэглэлийн толгойлогч Марио Карденасыг баривчилсан байна. Түүнийг баривчлахад цагдаагийнхантай тэнгисийн явган цэргүүд хамтран ажиллажээ. Хар тамхины бүлэглэлийн тэргүүний гэрээс зэвсэг, галт хэрэгсэл, 10 мянган доллар, кокайн бүхий дөрвөн ч уут гарсан байна. Карденас 2010 оноос хар тамхины наймааны бүлэглэлийг толгойлж  Мексикийн зүүн хойд нутагт хар тамхины худалдааг хяналтдаа байлгадаг байна. Сүүлийн жилүүдэд түүний нөлөөлөл бага зэрэг суларч өөр нэг “Зетас” гэдэг бүлэг гарч ирээд байгаа юм. Карденасыг баривчилсан нь тус улсын Ерөнхийлөгч Фелипе Кальдероны хар тамхины наймаатай хийж байгаа тэмцлийн бас нэг том ялалт боллоо гэж эрх баригчид мэдэгдэж байна.