Мүүний шашныг үндэслэгч Сан Мён Мүүн 92 насандаа таалал төгсчээ. Тэрээр 1950-иад оны үед Нэгдлийн сүм гэгчийг байгуулж, өөрийн нэрээр нэрлэсэн шашны нэг урсгалыг гаргаж ирсэн юм. Мүүний шашинд өдгөө хэдэн сая хүн дагалдан орсон гэдэг боловч олон нийтийн тархи угааж, шашнаар дамжуулан мөнгө олж байна гэсэн шүүмжлэл их байдаг.
Одоогийн Хойд Солонгосын нутагт төрсөн Сан Мён Мүүн 15 насандаа бурханд залбирч байхдаа Есүсийг олж харсан гэж ярьдаг байж. Түүний хэлснээр бол Есүс түүн дээр ирээд дэлхий дээр бурхны хаант улсыг байгуулахыг хүссэн бөгөөд тэрээр хоёр удаа татгалзсаны эцэст гурав дахь удаадаа зөвшөөрсөн хэмээн ярьдаг байжээ. Түүнийг Хойд Солонгосын сүм хийд, коммунистууд шахан хавчиж байсан тул бага залуудаа Өмнөд Солонгос руу зугтан иржээ.  Сан Мён Мүүн амжилттай бизнесмэн байсан бөгөөд түүний байгуулсан бизнесийн вант улсад сонин хэвлэл, зэвсгийн үйлдвэр, их сургууль, хүнсний компани хүртэл багдаг. Тэрээр 1982 онд татвараас зайлсхийсэн хэргээр 11 сар хоригдох ял авч байсан гэдэг.