Герман агаарын тээврийн Lufthansa компанийн үйлдвэрчний эвлэл цомхотгол хийх шийдвэрээ өөрчлөх, хөдөлмөрийн хөлсийг нэмэгдүүлэх шаардлагыг захиргаандаа тавьж, ажил хаялт зохион байгуулжээ. Хэдийгээр ажил хаялтад орон нутгийн нислэгийн онгоцны механикууд оролцсон гэж мэдээлж байгаа ч олон улсын нислэгүүдэд нөлөөлж эхэлжээ. “Немцийн давалгаа” радиогийн мэдээлснээр олон улсын нислэг өөрчлөгдсөн тохиолдолд гадаад дахь германчууд эх орондоо эргэж ирж чадахгүйд хүрч магадгүй байна. Lufthansa-д үүсээд байгаа энэ асуудал 19 мянга орчим бортмеханик цалингаа таван хувь нэмэгдүүлэх шаардлага тавьснаас үүдсэн юм.
Дэлхийн эдийн засгийн хямралын улмаас “Lufthansa” 3,5 мянган ажилтнаа цомхотгоно гэсэн шийдвэр гаргаад байгаа юм байна. Ингэснээр гурван жилийн хугацаанд 1,5 тэрбум евро хэмнэх тооцоо гаргажээ.