Афганистанд “Талибан” хөдөлгөөний зэвсэгт дайчид ардын дуу бүжгийн концертод оролцогсдыг цаазалсан хэрэг гарчээ. Талибуудын хяналтад байдаг Афганы өмнөд нутгийн Гильменд мужид концерт тоглосон 15 эрэгтэй, хоёр эмэгтэйг тэд буудан хороосон байна. Тэднийг  мусульманы Ид аль-Фитр баярын төгсгөлөөр цуглараад хөгжим сонсч, дуу дуулан бүжиглэж цагийг зугаатай өнгөрүүлж байх үеэр нь талибууд довтолсон байна.
Талибууд тус оронд хөгжим сонсох, эмэгтэйчүүд гудамжаар гивлүүргүй, төрөл төрөгсдийнхөө нэгэнгүй явахыг хориглоод байсан юм.