Венесуэлийн нефть боловсруулах нэгэн үйлдвэрт пропан дэлбэрч түймэр гарсны улмаас 41 хүн амь алдаж орон сууцны 200 гаруй барилга өртсөн байна. Нийтдээ 121 хүн эмчид хандсаны  31-ийг нь эмнэлэгт хүргэснээс долоо нь хүнд байгаа гэж тус улсын Эрүүл мэндийн сайд мэдэгдсэн байна. Бямба гарагт дэлбэрэлт болж нефтийн хэд хэдэн агуулах сав галд өртсөн нь цэргийн хуаран, авто машины зогсоолд ойр байжээ. Нас барагсдын ихэнх нь нефтийн үйлдвэрийн ойр байрладаг Үндэсний гвардийн дайчид байжээ. Хэдийгээр гал сөнөөгчид байдлыг хяналтдаа авсан ч салхи ихтэй байгаагаас галыг бүрэн унтрааж чадаагүй байна.
Венесуэлийн Ерөнхийлөгч Уго Чавес ослын улмаас амь үрэгдсэн хүмүүсийн дурсгалыг хүндэтгэж гурав хоногийн гашуудал зарласан байна.
Түймэр гарсан Амуай завод нь улсдаа томоохонд тооцогддог, хоногт 956 мянган баррель нефть боловсруулдаг Centro Refinador Paraguanа нэгдлийн гол үйлдвэр юм байна.