Сирийн Ерөнхийлөгч Башар Ассад сөрөг хүчинтэй хэлэлцээр эхэлтэл албан тушаалаасаа огцрохгүй гэж тус улсын Ерөнхий сайдын орлогч Кадри Жамиль мэдэгдсэн байна. Тэрээр Москва хотноо ОХУ-ын Гадаад хэргийн сайд Сергей Лавровтой уулзах үеэрээ ингэж мэдэгдээд энэ асуудлаар цаашид яриа хэлэлцээр байж болохыг үгүйсгээгүй байна.  Энэ сарын 17-ны өдөр НҮБ-ын ажиглагчид тус улсыг орхин гарсан нь Сири дэх хямралыг зохицуулж тогтворжуулах гэсэн НҮБ болон Арабын орнуудын лигийн тусгай төлөөлөгч Кофи Аннаны санал болгосон төлөвлөгөө амжилтгүй болсныг харуулсан юм.  
Ц.Хас