Эквадорын Тунгурауа галт уул идэвхжин оргилж эхэлснээс болж ойролцоо оршин суудаг 110 гэр бүлийг нүүлгэн шилжүүлэхэд хүрсэн байна. Сүүлийн гурван хоногт галт уул идэхжин оргилж лав нь бэл рүүгээ буун, үнс тоос нь дөрвөн км-ийн өндөрт оргилж ойролцоох таван суурин газарт аюул нүүрлээд байгаа юм.
Энэ сарын 19-нөөс эхэлсэн галт уулын идэвхжил ойр орчмын газар тариалангийн үйлдвэрлэлд ихээхэн хохирол учруулах бололтой. Тус улсын ХААЯ-ны мэдээгээр тэжээлийн ургамлын  500 га, төмсний 400 га  талбай үнс нурманд дарагджээ. Кэро мужийн захирагч Рауль Гальвианес малын тэжээл гуйж бусад мужуудаас хүмүүнлэгийн тусламж хүссэн байна. Тунгурауа нь Эквадорын нутаг дахь Андын нуруунд нийслэл Китогоос 135 км-т байрладаг 5000 мянган метр өндөр галт уул юм.