Шри-Ланкийн шүүх Будда бурхны барималтай зүй бус харьцсан гэж Францын хоёр эмэгтэй, нэг эрэгтэй жуулчныг зургаан сар шоронд хорьж, таван жил харгалзах, торгууль оногдуулахаар шийтгэсэн байна. Торгуулийн хэмжээ нь 1500 рупий байгаа нь 11 доллар л юм байна.
Буддагийн баримлыг үзэхээр очсон  эмэгтэй  уруул дээр нь үнсэж байгаагаар, эрэгтэй нь бурхны нууц эрхтний тус газар  илж байгаагаар зургаа авхуулжээ.  Тэгээд үүнийгээ угаалгахаар  фото студид хандахад нь гэрэл зурагчин цагдаад хандсанаар асуудал үүсчээ. Тэднийг энэ 20-ны өдөр саатуулаад 21-нд шүүсэн байна.
2010 онд америкийн рэппер Эйкон Буддагийн өмнө хагас нүцгэн эмэгтэй бүжиглэж байгаагаар видео клип хийлгэсэн байсан учраас түүнийг Шри Ланкад зорчихыг хориглож байсан юм.
Шри-Ланкийн 20 сая хүний 70 хувь нь буддын шашныг шүтдэг юм байна.