Венесуэлийн Каракас хотоос өмнө зүгт байдаг “Яре-1” шоронд үймээн гарч 20 гаруй хоригдол нас барсан хэрэг гарчээ. Ням гарагийн орой хоригдлуудын бүлэглэлүүдийн хооронд зөрчил үүсч үймээн эхэлсэн байна. Венесуэлийн шоронгийн асуудал эрхэлсэн сайд Айрис Варела хоригдлын бүлэглэлүүд үймээний үеэр өөрсдийн бэлтгэсэн зэвсэг хэрэглэсэн гэдгийг тэмдэглэж байна. Даваа гарагийн өглөө гэхэд хянагчид байдлыг хяналтдаа авч шоронд хэвийн дэглэм тогтоосон гэж сайд мэдээлжээ. Венесуэлийн шоронд 55 мянга гаруй хоригдол байдаг юм байна. Эндэхийн хоригдлууд гадаад ертөнцтэй байнгын холбоотой байж зэвсэг, хар тамхи авч байдаг нь байдлыг хүндрүүлдэг байна.