Хэдэн хоногийн өмнө Пакистаны нийслэл Исламабадад мусульманчууд христийн сүсэгтний гэрийг шатаах үеэр цагдаагийнхан 11 настай охиныг баривчилжээ. Дауны өвчнөөс болоод хөгжил нь зогссон 11 настай Римша охин гудамжинд байх хогийн савны дэргэдээс шатаж байсан коран судар олоод барьж байсан нь түүнийг судар шатаасан гэж буруутгах үндэслэл болжээ. Лалын шашинтны хуулиар бол түүнд одоо цаазаар авах ял нүүрлээд байна. Хүний эрхийг хамгаалагчид охиныг хамгаалан мэдэгдэл хийж, энэ мэдээг дэлхий нийтэд цацжээ.