Филиппины дотоод хэргийн сайдын сууж явсан "Сессна" загварын хөнөгөн онгоц ослын буулт хийх үедээ далайд унасан байна. 

Онгоцонд Филиппины дотоод хэргийн сайд Жесси Робредо, цагдаагийн төлөөлөгч, хоёр нисгэгч, сайдын туслах нар байжээ. Онгоцны нисгэгч Филиппины Масбате мужийн орон нутгийн нисэх буудалд буух зөвшөөрөл асуусны дараа ийнхүү далай руу унажээ. Сайдын туслах онгоцыг бууж байхад үсэрч бууж амжсан бөгөөд аврагчид түүнийг олох үед амьд байсан байна.

Онгоцонд явсан бусад зорчигчид хараахан олдоогүй байгаа аж.