АНУ, Ази, Европт сүүлийн хэдэн жил болж байгаагүй ган  болоод байна. Жишээлэхэд, улаан буудайн дэлхийн хамгийн том импортлогч, эрдэнэ шиш, шошийн хамгийн том тариалантай АНУ -д гэхэд л талбайн 60% нь ганд нэрвэгдэж, улмаар улаан буудайн үнэ 50% өсөөд байгаа юм байна. 

Европт улаан буудайн үнэ өнгөрсөн сарынхаас 32,4% нэмэгдэж тонн нь 292 евро хүрсэн нь сүүлийн арван жилийн хамгийн өндөр үнэ юм. Улаан буудайн дэлхийн гурав дахь том ипортлогч Оросын Ижил мөрөн, Өмнөд Уралын бүс нутагт ган болсноос үүдэн ийнхүү үнэ нь нэмэгджээ. 

Африкийн дөрвөн том хөдөө аж ахуйн орон болох Буркина Фасо, Нигер, Чад, Мавритан улсуудад мөн л гантай байгаагаас сүүлийн таван жилийн хугацаанд хамгийн бага ургац хураасан байна. Улмаар өлсгөлөн нүүрлээд байгаа нутгийн иргэд шилжилт хөдөлгөөнд ороод байгаа бөгөөд зөвхөн Баруун Африкт гэхэд л 300 мянга гаруй хүн дүрвээд байна. Африк тивд одоогийн байдлаар 18 сая хүн өлсгөлөнд нэрвэгдээд байгаа юм.