Америкийн Висконсин мужийн Оук Крик хотын лалын сүмд гал нээж долоон хүний амь бүрэлгэсэн этгээд арьсны үзэл бүхий бүлэглэлтэй холбоотой байж мэднэ гэж эх сурвалж мэдээллээ. 40 настай Уэйд Майкл Пейж өмнө нь Америкийн армийн тусгай салаанд алба хааж байжээ. Тэр цагаан арьстнуудыг дэмждэг рок хөгжмийн хамтлагийн гишүүн байсан аж. Хүний эрхийг хамгаалах “Southern Poverty Law Cente”r байгууллагын төлөөлөгчийн хэлснээр бол Майкл Пейж еврей болон бусад  цөөнх үндэстнийг бөөнөөр нь хөнөөх утга бүхий дуунууд дуулдаг байсан гэнэ. Аллагыг харсан гэрч ярихдаа “Нэгэн цагаан футболктой, гар дээрээ 9/11 гэсэн шивээстэй этгээд гал нээсэн” гэж мэдүүлсэн юм. 9/11 гэдэг нь 2001 оны есдүгээр сарын 11-ний  аймшигт халдлагыг илэрхийлсэн байх гэж хэвлэлүүд бичиж байна. Харин яагаад лалын сүмд гал нээснийг нь тодорхойлж мэдэхгүй байгаа аж.