Умард Солонгос сүүлийн нэг сарын турш Өмнөд Солонгосын хил дээгүүр нисдэг тэргүүдээр нислэг үйлдэж байгаа талаар өнөөдөр “Чосон Ильбо” агентлаг мэдээллээ. Өмнөд Солонгосын засгийн газрын эх сурвалжийн мэдээлж байгаагаар БНАСАУ хил дээрх цэрэггүй бүсийн ойролцоо аль тавдугаар сараас эхлэн 20 нисдэг тэрэг бүхий хоёр ч бааз байрлуулсан юм байна. Энд нь пулемёт, пуужингаар зэвсэглэсэн зөвлөлтийн үеийн Ми-2, Ми-4, Ми-8 нисдэг тэрэгнүүд байгаа гэнэ.
Өмнөд Солонгоос ч хариуд нь “газар–агаар” ангиллын пуужингаа бэлэн байдалд байлгаж хилийн бүсдээ F-16 сөнөөгч онгоц байрлуулжээ. Умард Солонгос мөн л байдал ийм байгаа бол бид хилийн бүс дэх нисдэг тэрэгнийхээ тоог 50 хүргэнэ гэж байгааг Ренхап агегнтлаг дамжуулжээ.
Энэ хоёр улсын хил дээр 1999, 2002, 2009 онуудад мөргөлдөөн болж байсныг Agence France-Presse агентлаг онцолж байна. 2010 онд Умардынхан өмнөд Солонгосын Епхандо арал руу их буугаар буудсанаас өмнөдийн хоёр цэргийн албан хаагч амь үрэгдэж байсан юм.