Залуучуудын Холбооноос санаачлан 2013 оноос эхлэн хэрэгжүүлж байгаа “Спирт үү, Спорт уу?” аяны хүрээнд “Унадаг дугуйтай Улаанбаатар” төслийн дугуйн парад жагсаал энэ сарын 20-нд буюу бямба гарагт болно.

Дугуйчид энэ парад жагсаалараа нийслэл хотод дугуйн зориулалтын замтай болохыг уриалж дугуйгаар дугуйн зам “НЭМЬЕ” гэсэн үг бүтээх юм байна.

“Залуу дугуйчин” клуб, “Оргил” дугуйн клуб, Олон улсын унадаг дугуйн аяллын холбоо зэрэг байгууллагууд оролцох дугуйн парад оролцохыг хүсэгчдэд нээлттэй гэнэ.