Орчин үеийн хөгжмийн урлагийг дэлхийд таниулж буй эмэгтэй дуучдын нэг бол яах аргагүй өвөрмөц хоолой, имижээрээ бусдаас ялгардаг Жесси Жей билээ. Харин өнгөрсөн долоо хоногт түүний “Domino” дууг нэгэн  дууны хэсгээс хулгайлж, зохиогчийн эрх зөрчсөн хэмээн шүүхэд дууджээ. Зарга үүсгэгчийг Вилл Лүүмис гэх бөгөөд тэрээр өөрийнх нь 2008 онд гаргасан “Bright Red Chords” гэдэг дууны хоёрдугаар бадгийн эхлэл хэсгийг хулгайлсан хэмээн үзэж байгаа юм. Өдгөө 24 настай дуучин маань энэ бүтээл Английн шилдэг 100 дууны жагсаалтад нийтдээ 24 долоо хоног тэргүүлж байсан хэдий ч ийм асуудалд ороод байгааг олон хүн шүүмжилж байна. Урьдчилсан тооцоогоор тэрээр хамгийн багадаа л гэхэд 150 мянган ам.долларын торгууль төлөх магадлалтай аж.