Ази тивийн Өмнөд бүст харьяалагдах Бангладеш улсад хэдэн хоногийн турш тасралтгүй орсон аадар борооны улмаас нас барсан хүний тоо 110 болж, алга болсон хүмүүсийн тоог одоогоор тогтоогоогүй байна. Одоогоор бороо зогссон хэдий ч Читтагон хот усанд хамгийн их автсаны улмаас орон нутгийн болон улс хоорондын томоохон нислэгүүд хойшлогджээ. Түүнчлэн олон хүн гэр оронгүй хоцорч, хамгийн аюултай нь хэсэг газарт хүмүүс лаг шаварт шигдсэний улмаас байдал хүндэрч байгаа тараар эх сурвалжууд мэдээлж байна. Хохирогчдыг аврах ажиллагаанд хүн хүч хүрэлцэхгүй байгаагийн улмаас тухайн бүсийн цэрэг, цагдаагийн ажилтныг хамруулаад байгаа юм.