Саяхныг хүртэл АНУ-д хууль бус цагаач нэрээр ажиллаж амьдарч байсан гадаад залуус АНУ-ын Ерөнхийлөгч Б.Обамагийн шинэ шийдвэрээр тус улсад ажиллах хууль ёсны зөвшөөрөлтэй болжээ. Насанд хүрээгүй буюу хүүхэд байхдаа АНУ-д ирээд таваас дээш жил амьдарсан16-30 насны залууст энэ хууль хамаарах аж. Өмнө нь, тэднийг эх орон руу нь албадан буцаадаг байсан бол одоо гадаадын авьяаслаг, чадвартай залуусыг эх орондоо үлдээх нь зөв гэдэг бодлогыг АНУ-ын засаг захиргаа барьж эхэжээ. Б.Обамагийн Ерөнхийлөгчийн сонгуулийн кампанит ажлын нэг хэсэг хэмээн ажиглагчдын үзэж буй энэ шийдвэрээр 800 мянган залуу Америкт ажиллаж, амьдрах эрхтэй болоод байгаа юм.  Тэдний дийлэнх нь Латин Америкийн орнуудаас ирсэн цагаач учир АНУ дахь испани гаралтай сонгогчдыг өөртөө татах нэг тактик болж байгаа юм. Сонгуулийн үр дүнд чухал нөлөөтэй испани гаралтай сонгогчдыг татахын тулд Б.Обама болон түүний өрсөлдөгч Бүгд найрамдах намын Митт Ромни нар маш их хичээж байгаа.