МАХН-ын Ерөнхий нарийн бичгийн дарга Г.Шийлэгдамба АТГ-т шалгагдаж байх хугацаандаа намын ажил үүрэг цалгардах ёсгүй хэмээн үзэж, өргөдлөө өгсөн байна. Иймд МАХН-ынхан шинэ Ерөнхий нарийн бичгийн даргад өрсөлдөх хүмүүст залуучуудын төлөөллөөс оруулахаар болсон гэнэ.

Иймээс өнөөдөр орой 18.00 цагаас МАХН-ын дэргэдэх Ардчилал, шударга ёс, Монголын залуучуудын холбоо /АШЁМЗХ/ хуралдахаар тов зарлажээ. АШЁМЗХ энэ хурлаараа Ерөнхий нарийн бичгийн даргын асуудлыг нухацтай авч хэлэлцэхээс гадна цаг үеийн хэд хэдэн чухал асуудлыг хэлэлцэх юм байна. Тухайлбал, Эрүүл мэнд, спортын сайдын асуудлыг ч ярилцах аж.