УИХ-ын ээлжит бус чуулганы нэгдсэн хуралдаан эхэлж Засгийн газрын зарим гишүүнийг томилох тухай асуудлыг хэлэлцэж эхлээд байна. Монгол Улсын Ерөнхий сайд Ч.Сайханбилэг  Шадар сайдад УИХ-ын гишүүн Ц.Оюунбаатарыг, Зам тээврийн сайдад УИХ-ын гишүүн М.Зоригтыг, Сангийн сайдад УИХ-ын гишүүн Б.Болорыг, Барилга хот байгуулалтын сайдад УИХ-ын гишүүн З.Баянсэлэнгийг, Байгаль орчин, ногоон хөгжил, аялал жуулчлалын сайдаар УИХ-ын гишүүн Н.Батцэрэгийг тус тус томилуулах хүсэлтэй байгаагаа танилцууллаа.
Энэ хүмүүсийг сайдаар томилох асуудлыг УИХ-ын байнгын хороод хэлэлцээд дэмжиж ийнхүү УИХ-ын чуулганы нэгдсэн хуралдаанд оруулж байгаа нь энэ.
Эдгээр хүмүүсийг Засгийн газрын гишүүнээр томилохоор Ерөнхий сайд Ч.Сайханбилэгийн хүргүүлсэн саналд Монгол Улсын ерөнхийлөгч Ц.Элбэгдорж уг нь "Хууль тогтоох болон гүйцэтгэх засаглал хоорондын хяналт, хариуцлагын тогтолцоог сайжруулахын тулд УИХ-ын гишүүн, Засгийн газрын гишүүний албан тушаалыг нэг хүнд давхардуулж хашиж болохгүй гэсэн зарчмын байр сууриа дахин нотолж, дээрх томилгоог дэмжихгүй гэдгээ үүгээр илэрхийлж байна.
Иймд Монгол Улсын Засгийн газрын гишүүнийг шинээр томилох саналаа дахин зөвшилцөхийг хүсье” хэмээсэн хариу өгсөн юм.