Монгол Улсын Засгийн газрын энэ даваа гарагийн хуралдаанаар Киноны тухай хуулийн үзэл баримтлалыг хэлэлцээд дэмжиж УИХ-д өргөн барихаар болсон байна. Энэ хуульд кино үйлдвэрлэл эрхлэгч бүтээгчид ямар үүрэг, эрхтэй байх вэ, хэрхэн иргэдэд хүргэх вэ, үйлчлүүлэгчийн эрх ашиг ямар байх зэргийг нарийвчлан тусгасан. Мөн киног хэрхэн төрөөс дэмжих тухайд кино бүтээж байгаа болон, энэ ажилд санхүүгийн тусламж үзүүлсэн хүмүүст татварын хөнгөлөлт үзүүлнэ. Өөрөөр хэлбэл 30 хүртэлх хувийн татварын хөнгөлөлт үзүүлж буцаан олгож байх  юм байна. Төрийн захиалгаар хийдэг киноны захиалгыг төрөөс бүрэн хариуцна гэж заасан. Олон улсын кино наадамд өөрийн орны бүтээлийг оролцуулах тухай ч тусгах юм." гэж Монгол Улсын Ерөнхий сайдын зөвлөх Ц.Мөнхтөр мэдээллээ.