Засгийн газарт хоосон буй зургаан сайдын гурвыг нь МАХН-МҮАН-ын “Шударга ёс” эвсэл нэр дэвшүүлэх квоттой. Одоогоор хэнийг ямар сайдын албан тушаалд томилуулах санал өгөх нь тодорхойгүй байна. Шадар сайдад Э.Батшугар яригдаж байсныг Н.Энхбаяр үгүйсгэсэн. О.Баасанхүү, З.Баянсэлэнгэ нарыг сайдын суудал горилогчдын тоонд оруулаад байсан “цаг нь болоогүй” гэдэг тайлбар хэлээд байгаа. Тэгвэл өнөөдөр МАХН-ын Удирдах зөвлөл хуралдах зар тараажээ. Үүний дараа УИХ дахь “Шударга ёс” эвслийн бүлгийн өргөтгөсөн хуралдаан болох тов гарсан байна. Энэ хурлаараа сайдад хэнийг нэр дэвшүүлэхээ эцэслэн шийдэх гэнэ. МАХН-ын дарга Н.Энхбаяр хурлуудад оролцож, АН-ын зөвшилцөхөөр байгуулсан ажлын хэсэг ажиллаж эхлэх аж.