Улбар шар өнгө нь эмэгтэйчүүд охидын гэгээлэг ирээдүйг, хүчирхийллээс ангид ирээдүйг бэлгэддэг байна. Тийм учраас НҮБ-ын Ерөнхий нарийн бичгийн дарга Бан Ги Мун санаачилсан компанит ажлын хүрээнд сар бүрийн 25-ныг Оранж өдөр болгон зарлахаар болжээ. Монгол улсад үйл ажиллагаа явуулж байгаа НҮБ-ын Хүн амын сангаас Оранж өдрийг 2014 оны хоёрдугаар сараас эхлэн зохион байгуулж байгаа юм. Тиймээс өнөөдөр УИХ-ын эрхэм гишүүд  шар өнгөөр “гангарчээ”. Эрчүүд нь шар зангиа,алчуураар, эмэгтэйчүүд нь шар ороолт зүүснийг уншигч та анзаарсан биз. Мөн өнөөдөр УИХ-ын чуулганд Гэр бүлийн хүчирхийлэлтэй тэмцэх тухай хуулийн төслийг хэлэлцэх эсэхийг шийдэх юм.