Копенгаген хотын “Crown Plaza” зочид буудал эрчим хүч үйлдвэрлэж өгсөн зочдоо өглөөний цайгаар үнэгүй дайлах үйлчилгээ нэвтрүүлжээ. Тус зочид буудалд эрчим хүчний генератортой холбосон дасгалын унадаг дугуйнууд байдаг бөгөөд үүн дээр дасгал хийвэл эрчим хүч хуримтлагддаг ажээ. Тиймээс энэ дугуйгаар дасгал хийж, дор хаяж 10 ватт эрчим хүч хуримтлуулсан тохиолдолд буудлын өглөөний цайг үнэгүй хүртэх эрхтэй болж байгаа юм. 10 ватт эрчим хүч гаргахын тулд хүн дунджаар 15 минут орчим дасгал хийх хэрэгтэй болдог байна. Харин тус буудлын өглөөний цай 36 ам.долларын үнэтэй ажээ. Тэгэхээр 15 минут гүйж, эрүүл мэндээ хамгаалсныхаа төлөө үнэгүй хоол зооглох тун аятайхан боломж гарч байгаа юм. Бас нөгөө талаараа байгальд ээлтэй үйл хэмээн “Crown Plaza” зочид буудал шинэ үйлчилгээгээ сурталчилж байна.